कुटपिटको आरोपछि वडाध्यक्ष गुरुङ आफै पुगे जिप्रका
पाेखरा | असार २१, २०८०
पोखरा: उपभोक्ता समितिका अध्यक्षलाई हातपात गरेको आरोप लागेका कास्कीको माछापुच्छ्रे गाउँपालिका ८ का वडाध्यक्ष रामबहादुर गुरुङ प्रहरी नियन्त्रणमा पुगेका छन् ।
उपभोक्ता समितिका अध्यक्ष अमृत भण्डारीले आफुलाई हातपात गरेको भन्दै वडा प्रहरी कार्यालय बगरमा मंगलबार जाहेरी दिएको आधारमा जिल्ला अदालतबाट पक्राउ पुर्जी जारी भएको थियो ।
त्यसपछि प्रहरीले वडाध्यक्ष गुरुङलाई सम्पर्क गरेपछि आफै प्रहरी कार्यालय आएको कास्की प्रहरीका प्रवक्ता तथा डिएसपी श्रवण कुमार बिकले बताए ।
उनका अुनसार अभद्र व्यवहार कसुरमा मुद्धा दर्ता भइ घटनाको विषयमा थप अनुसन्धान भइरहेको छ ।
खोरामुख–इदीखोला सडक (नाली बनाउने र जाली भर्ने काम) का लागि पूर्वाधार विकास कार्यालय कास्कीले २१ लाख ५० हजार रुपैयाँ विनियोजन गरेको थियो ।
सोही उपभोक्ता समितिका अध्यक्ष अमृत भण्डारीले आफुलाई हातपात गरेको भन्दै प्रहरीकहाँ उजरी दिएका थिए ।
यद्यपी वडाध्यक्ष गुरुङले भने आफुले हातपान नगरेको बताउदै आएका छन् । ‘मलाई स्थानीयस्तरबाट काम भएन भन्ने भएपछि अनुगमनको क्रममा सामान्य भनाभन भएको हो, हातपात गरेको होइन,’ वडाध्यक्ष गुरुङले सुनगाभा न्यूजसँग भनेका थिए ।
पीडित पक्षले वडाध्यक्षलाई कारवाहीको माग गर्दै वडा कार्यालयमा नेकपा एमालेका कार्यकर्ताहरुले तालाबन्दी गरेका थिए । वडाध्यक्ष गुरुङ आफै प्रहरी नियन्त्रणमा पुगेपछि ताला खोलिएको छ ।
पोखरा: तमु समुदायको मुख्य पर्व ल्होछार/ल्होसारको अवसरमा कास्कीको माछापुच्छ्रे गाउँपालिका ८/९ स्थित घलेलमा २७ औं घलेल ल्होछार उत्सव हुने भएको छ । बौद्ध सृजना युवा क्लबको आयोजनामा आगामी ...
चितवन: चितवनमा नेपाली नागरिकता परित्याग गर्नेभन्दा गैरआवासीय नागरिकता लिनेको सङ्ख्या बढेको छ । गत साउनयता यहाँ ४० जनाले नागरिकता परित्याग गर्दा ४९ जनाले गैरआवासीय नागरिकता लिएका छन् । सहायक प्रमु...
काठमाडौं: आगामी फागुन २१ गतेका लागि तय भएको प्रतिनिधिसभा सदस्य निर्वाचनका लागि निर्वाचन आयोगले तयार पारेको प्रस्तावित आचारसंहितामा अनुमति नलिइकन कुनै पनि उम्मेदवारले सवारीसाधनको प्रयोग गर्न नपाउने व्यव...
